Computer Magazine : CM.COM.KH

មជ្ឈមណ្ឌលបណ្តុះបណ្តាលវិទ្យាសាស្រ្តកុំព្យូទ័រ (CM Training Center) ជាមជ្ឈមណ្ឌលបណ្តុះបណ្តាលលើផែ្នកជំនាញ IT តែមួយគត់ប្រកបដោយគុណភាពខ្ពស់។ ជាពិសេសសិស្សដែលបានបពា្ចប់ការសិក្សានៅមជ្ឈមណ្ឌល CM នឹងបានទទួលការងារផែ្នក IT នៅក្នុងក្រុមហ៊ុន PERFEXCOM GROUP និងក្រុមហុ៑នជាច្រើនដែលជាដៃគូរ របស់ក្រុមហ៊ុន PERFEXCOM GROUP ។

CM Training Center ផ្តល់ជូនការបញ្ចុះតម្លៃពិសេសរហូតដល់ ៣០% សម្រាប់ការចុះឈ្មោះសិក្សាថ្ងៃនេះសូមប្រញាប់ឡើងកន្លែងសិក្សាមានកំណត់!!!

ទំព័រដើម ព័ត៌មាន ផលិតផល កម្មវិធីអនុវត្តន៍ ទាញយកឯកសារ ដំណោះស្រាយ ការគ្រប់គ្រង-គន្លឹះខ្លីៗ អ៊ីនធឺណេត-ប្រព័ន្ធបណ្ដាញ ការកំសាន្ត សំនួរ-ចម្លើយ

អ៊ិនធឺណេត និង ប្រព័ន្ធបណ្តាញ

កម្មវិធីអនុវត្តន៏ផ្សេងៗ

ទំព័រដើម >> អ៊ិនធឺណេត-ប្រព័ន្ធបណ្តាញ >> គន្លឹះអ៊ិនធឺណេត-ប្រព័ន្ធបណ្តាញ >>ការគ្រប់គ្រងកម្មវិធីក្នុងលីនុច

ការគ្រប់គ្រងកម្មវិធីក្នុងលីនុច

អូផឹនស៊ូស៊ីមានឧបករណ៍ក្រាហ្វិក មួយដ៏ងាយស្រួល សម្រាប់អ្នកក្នុង ការគ្រប់គ្រង កម្មវិធីដូចជា ការដំឡើង យកចេញ និងធ្វើឱ្យ ទាន់សម័យ ។ កម្មវិធីយ៉ាសស្វែង រកសមាស ធាតុកម្មវិធី ដែលអ្នកចង់បន្ថែម ឬយកចេញ ដោយផ្ដល់ នូវរាល់ ភាពអា ស្រ័យក ញ្ចប់កម្មវិធី ឱ្យអ្នក ស្រាប់ៗ ។
១. ការដំឡើងកម្មវិធី:
កម្មវិធី អាចដំឡើង បានរយៈកញ្ចប់ RPM ដែលអ្នក នឹង សិក្សា ជាលម្អិតនៅពេលក្រោយ ។ កញ្ចប់នីមួយៗ មានកម្មវិធី ផ្ទាល់ខ្លួន ឯកសារ កំណត់រចនា សម្ព័ន្ធ និងឯកសារបន្ថែម ។ ប្រសិន បើអ្នកចង់ដំឡើង កម្មវិធី បន្ថែមទៅ ក្នុងប្រព័ន្ធអ្នកអាច អនុវត្ដដូចខាងក្រោម ៖
ឧបមាថា អ្នកចង់ដំឡើងកម្មវិធី wine ដោយប្រើកម្មវិធី YaST អ្នកត្រូវអនុវត្ដតាមវិធីដូចខាងក្រោម ៖
+ បើកកម្មវិធីយ៉ាស ជ្រើស កម្មវិធី ជ្រើស ការគ្រប់គ្រងកម្មវិធី
+ នៅក្នុងប្រអប់ស្វែងរក ចុចប៊ូតុង ស្វែងរក វាយឈ្មោះកម្មវិធីដែលចង់ដំឡើង ។ ឧ. wine (ជាកម្មវិធីដែលធ្វើឱ្យកម្មវិធី .exe របស់វីនដូអាច ដំណើរការ លើលីនុច វាអាចធ្វើ ទៅបានចំពោះកម្មវិធីតូចៗ មួយចំនួនរបស់វីនដូ) ។
+ កញ្ចប់កម្មវិធី រាយនូវផ្នែក ខាងស្ដាំ ។ ធីកនៅមុខប្រអប់ wine បញ្ចូលឌីវីឌី អូផឹនស៊ូស៊ី១១.០ ក្នុងដ្រាយស៊ីឌីរ៉ូម រួចចុចប៊ូតុង យល់ព្រម វានឹងចាប់ផ្ដើមដំឡើងកម្មវិធី ។

ប្រសិន បើអ្នក មិនស្គាល់ឈ្មោះ កម្មវិធីដែល អ្នកចាប់អារម្មណ៍ ចង់ដំឡើង អ្នកអាច រុករកតាមកា តាឡុកកម្មវិធី នៅក្នុងវិធី ផ្សេងៗ ។ ឧទាហរណ៍ អ្នក អាចត្រង កម្មវិធីតាម លំនាំ (pattern) ក្រុមកញ្ចប់កម្មវិធី ភាសា ឬក៏ឃ្លាំង ។ ត្រងតាម លំនាំ ដើម្បីស្វេងរក កម្មវិធីសម្រាប់កិច្ចការជា ក់លាក់ណាមួយ ។
នៅក្នុង ប្រអប់តម្រង នៅផ្នែក កាច់ជ្រុង ខាង លើ ខាងស្ដាំ ជ្រើសយក លំនាំ ។ អ្នកនឹងឃើញសំណុំលំនាំរាយ បញ្ជីនៅ ក្នុងតំបន់ ដូចខាងក្រោម ៖

នៅក្នុងតម្រង លំនាំជ្រើស លំនាំ មួយ ឬច្រើនដែល អ្នកចាប់អារម្មណ៍ ។ ប្រសិនបើអ្នកចុច លើលំ នាំណាមួយ ឧទាហរណ៍ ម៉ាស៊ីនបម្រើ អ្នកនឹង ឃើញ កញ្ចប់កម្មវិធីផ្សេងៗ ជាច្រើន ។ ប្រសិនបើធ្វើឱ្យវាសកម្ម ស្ថានភាពនៅខាងដើម បន្ទាត់នឹងប្ដូរ កញ្ចប់កម្មវិធី ទាំងអស់ មានកំណត់សម្គាល់ថាទុក ឬក៏ដំឡើង ។ អត្ថន័យនៃសញ្ញាទាំងអស់ និងការផ្លាស់ប្ដូរពណ៌ពុម្ពអក្សរ នឹងពន្យល់នៅក្នុងជំនួយ ។ ចុចប៊ូតុង យល់ព្រម ។ តាមជម្រើស អ្នកក៏អាច ស្វែងរក កញ្ចប់តាម ក្រុមកញ្ចប់ ។ លក្ខណៈក្រុមកញ្ចប់ផ្ដល់ព័ត៌មានលម្អិតនៃ កម្មវិធីដោយរៀបជាក្រុម តាមប្រភេទ ។ ជារឿយៗ កញ្ចប់កម្មវិធីអាស្រ័យ លើកញ្ចប់កម្មវិធី ផ្សេងៗទៀត ។ ប្រសិនបើអ្នកជ្រើស កម្មវិធីមួយ វាប្រហែលជា ទាមទារឱ្យអ្នក ដំឡើងកម្មវិធីបន្ថែម ដើម្បីដោះស្រាយភាព អាស្រ័យកញ្ចប់កម្មវិធី ។ តម្រងតាម ភាសា ស្រដៀង គ្នាទៅនឹងតម្រងក្រុមកញ្ចប់កម្មវិធី ។ ការប្រើទិដ្ឋភាពភាសាជួយឱ្យ អ្នកជ្រើសកញ្ចប់កម្មវិធី ឬឯកសារ ដែលបានបកប្រែ ឬក៏ពុម្ពអក្សរ ពិសេសណាមួយ ដែលចាំបាច់ ត្រូវគាំទ្រភាសា ជាក់លាក់ណាមួយ ។
២. ឃ្លាំងកញ្ចប់ និងកម្មវិធី:
ប្រសិនបើអ្នកចង់ស្វែងរក កញ្ចប់កម្មវិធីដែល មានប្រភពចេញ ពីឃ្លាំង កម្មវិធីណាមួយ ប្រើ តម្រង ឃ្លាំងកម្មវិធី។ នៅក្នុងការ កំណត់រចនាសម្ព័ន្ធ ដោយស្វ័យប្រវត្ដិ តម្រងនេះបង្ហាញបញ្ជីកញ្ចប់ កម្មវិធីទាំងអស់ពីប្រភព ដំឡើងដែលបានជ្រើស ។

ដើម្បីមើលបញ្ជីកម្មវិធីដែលបានដំឡើងចេញពីឃ្លាំងដែលអ្នកបានជ្រើសរើស ៖
+ នៅក្នុងតម្រងឃ្លាំង ជ្រើសឃ្លាំងដែលអ្នកចង់មើល
+ បន្ទាប់មកនៅក្នុងប្រអប់តម្រងប្ដូរទៅជ្រើស សង្ខេបការដំឡើង
+ នៅក្នុងផ្ទាំង សង្ខេបការដំឡើង ដោះធីកចោល ឱ្យអស់ទុកតែ រក្សា នោះវានឹងបង្ហាញរាល់កញ្ចប់កម្មវិធី ដែលបានដំឡើង ចេញពីឃ្លាំង ដែលអ្នកបានជ្រើស

៣. ការលុបកម្មវិធីក្នុងយ៉ាស:
ចំពោះការលុបកម្មវិធី នៅក្នុងយ៉ាងគឺ វាមានភាពងាយស្រួលដូច ការដំឡើងកម្មវិធីផងដែរ អ្នកត្រូវតែប្រាកដថា កម្មវិធីមួយណាដែល អ្នកចង់លុប ដើម្បីអាចលុបវាបាន អ្នកត្រូវតែស្វែងរក កម្មវិធីនោះជាមុនសិន ។ សូមមើលរបៀបលុប ខាងក្រោមនេះ ៖
ឧទាហរណ៍ ៖
អ្នកចង់លុបកម្មវិធីក្រាហ្វិករបស់លីនុចឈ្មោះ Krita ។
+ នៅក្នុងតម្រងជ្រើសស្វែងរក
+ ក្នុងប្រអប់ស្វែងរក វាយឈ្មោះកម្មវិធី (ឧ. krita) ចុចប៊ូតុង ស្វែងរក វានឹងបង្ហាញកម្មវិធីនៅផ្នែកខាងស្កាំ
+ ចុចលើកម្មវិធីនោះចំនួនពីរដង បង្ហាញដូចរូប

+ ចុចប៊ូតុង យល់ព្រម
៤. ការកំណត់ប្រភពដំឡើង:
នៅក្នុងអូផឹនស៊ូស៊ីអ្នកអាចជ្រើសប្រភពដំឡើងចេញពីប្រភពមេឌៀជាច្រើន ដូចជា FTP, HTTP, SMB, NFS ស៊ីឌី ឌីវីឌី និងថតមូលដ្ឋាន ។ ហេតុអ្វីត្រូវបន្ថែមប្រភពដំឡើង ? ការបន្ថែមប្រភពដំឡើងវាផ្ដល់ភាពងាយស្រួលក្នុងការដំឡើងប្រព័ន្ធលីនុច ឬកម្មវិធីផ្សេងៗដែលអ្នកចង់ដំឡើងថ្មី បើអ្នកមិនចង់ដំឡើងវាតាមរយៈឌីវីឌី ដើម្បីដំឡើងកម្មវិធីចេញពីប្រភពថ្មី អ្នកត្រូវអនុវត្ដដូចខាងក្រោម ៖ + បើកកម្មវិធីយ៉ាស ជ្រើស កម្មវិធី ជ្រើស ឃ្លាំងកម្មវិធី
+ ចុចប៊ូតុង បន្ថែម
+ ជ្រើស FTP ពីផ្ទាំង ប្រភេទមេឌៀ ចុចប៊ូតុង បន្ទាប់
អ្នកត្រូវបំពេញចំណុចសំខាន់ៗ ដូចខាងក្រោម ៖

ឈ្មោះឃ្លាំង ៖ opensuse11.0
ឈ្មោះម៉ាស៊ីនបម្រើ ៖ 192.168.1.110
ថតម៉ាស៊ីនបម្រើ ៖ opensuse11.0

+ ចុចប៊ូតុង បន្ទាប់ → បញ្ចប់

ដូច្នេះបន្ទាប់ពីអ្នក កំណត់ប្រភព ដំឡើង រួចរាល់ហើយ នៅពេល ដែលអ្នកចង់ដំឡើង កញ្ចប់ផ្សេងៗ របស់លីនុច អ្នកពុំចាំបាច់ បញ្ចូលឌីវីឌី អូផឹនស៊ូស៊ីក្នុងដ្រាយឌីវីឌី ឬស៊ីឌី របស់អ្នកឡើយ មានន័យ ថាវានឹង ទាញយកពីម៉ាស៊ីនបម្រើ FTP ដោយស្វ័យ ប្រវត្ដិ ។

	ជ្រើសរើសកម្រិតសំខាន់នៃសារៈប្រយោជន៍របស់អត្ថបទពីកម្រិតទាបបំផុតលេខ១ រហូតដល់កម្រិតខ្ពស់បំផុតលេខ៥
កម្រិតសំខាន់នៃអត្ថបទ៖	១ ២៣ ៤ ៥
	ការយល់ឃើញ និងមតិរិៈគន់ដើម្បីស្ថាបនាលើអត្ថបទមួយនេះ
ការយល់ឃើញ & មតិរិៈគន់ដើម្បីស្ថាបនា៖
	សូមបញ្ចេញយោបល់យល់ឃើញរបស់អ្នកស្ដីពីអត្ថបទនេះ
អាសយដ្ឋានអ៊ីម៉ែល៖	បញ្ជាក់៖ អាសយដ្ឋានអ៊ីម៉ែលរបស់អ្នកមិនត្រូវបានបង្ញាញនៅទំព័រនេះទេ តែវាបង្ហាញ ‹ឈ្មោះបង្ហាញនៅលើវ៉ិបសាយ› គឺឈ្មោះដែលលោកអ្នកបានចុះឈ្មោះជាសមាជិក។ * ចាំបាច់ត្រូវតែបំពេញអាសយដ្ឋានអ៊ីម៉ែល *
យោបល់របស់អ្នកចំពោះអត្ថបទ៖