Computer Magazine : CM.COM.KH

មជ្ឈមណ្ឌលបណ្តុះបណ្តាលវិទ្យាសាស្រ្តកុំព្យូទ័រ (CM Training Center) ជាមជ្ឈមណ្ឌលបណ្តុះបណ្តាលលើផែ្នកជំនាញ IT តែមួយគត់ប្រកបដោយគុណភាពខ្ពស់។ ជាពិសេសសិស្សដែលបានបពា្ចប់ការសិក្សានៅមជ្ឈមណ្ឌល CM នឹងបានទទួលការងារផែ្នក IT នៅក្នុងក្រុមហ៊ុន PERFEXCOM GROUP និងក្រុមហុ៑នជាច្រើនដែលជាដៃគូរ របស់ក្រុមហ៊ុន PERFEXCOM GROUP ។

CM Training Center ផ្តល់ជូនការបញ្ចុះតម្លៃពិសេសរហូតដល់ ៣០% សម្រាប់ការចុះឈ្មោះសិក្សាថ្ងៃនេះសូមប្រញាប់ឡើងកន្លែងសិក្សាមានកំណត់!!!

ទំព័រដើម ព័ត៌មាន ផលិតផល កម្មវិធីអនុវត្តន៍ ទាញយកឯកសារ ដំណោះស្រាយ ការគ្រប់គ្រង-គន្លឹះខ្លីៗ អ៊ីនធឺណេត-ប្រព័ន្ធបណ្ដាញ ការកំសាន្ត សំនួរ-ចម្លើយ

អ៊ិនធឺណេត និង ប្រព័ន្ធបណ្តាញ

កម្មវិធីអនុវត្តន៏ផ្សេងៗ

ទំព័រដើម >> អ៊ិនធឺណេត-ប្រព័ន្ធបណ្តាញ >> គន្លឹះអ៊ិនធឺណេត-ប្រព័ន្ធបណ្តាញ >>ការចែករំលែកឯកសារ ក្នុងប្រព័ន្ធលីនុចអូផឹនស៊ូស៊ី

ការចែករំលែកឯកសារ ក្នុងប្រព័ន្ធលីនុចអូផឹនស៊ូស៊ី

១. ការកំណត់កុំព្យូទ័រសម្រាប់ចែករំលែកឯកសារតាម Samba:
នៅក្នុងបរិស្ថានដែលមានលីនុច និងវីនដូដើម្បីចែករំលែកឯកសារឱ្យលីនុចក៏អាចចូលប្រើបាន វីនដូក៏អាចចូលប្រើបានអ្នកត្រូវ ដំឡើងសេវាវាសិន ។ សេវាដែលអាចធ្វើឱ្យអ្នកចែករំលែកឯកសារក្នុងបរិស្ថាននេះបានគឺសេវាសាំបា(Samba Service) ។ ដូចនៅក្នុងវីនដូដែរ អ្នកត្រូវកំណត់ឱ្យកុំព្យូទ័ររបស់អ្នកស្ថិតក្នុងក្រុមធ្វើការរួមគ្នា (Workgroup) ដូចៗគ្នា បន្ទាប់មកទើប លោកអ្នកចាប់ផ្ដើមចែករំលែកឯកសារ ។ ដើម្បីកំណត់កុំព្យូទ័រមួយជាក្រុមធ្វើការរួមអ្នកត្រូវ ៖
- បើកយ៉ាស ជ្រើស សេវាបណ្ដាញ ជ្រើស ម៉ាស៊ីនបម្រើសាំបា ប្រសិនបើកុំព្យូទ័ររបស់អ្នកមិនទាន់ដំឡើងកញ្ចប់សាំបាវានឹងបង្ហាញប្រអប់តូចប្រាប់អ្នកថាត្រូវដំឡើងកញ្ចប់ samba និង samba-client តាមដែលវាទារ ។

ចុច ដំឡើង ហើយដាក់ឌីវីឌីអូផឹនស៊ូស៊ី ១១.០ ។ ត្រង់នេះបើប្រៀបធៀបទៅនឹងវីនដូ វាដូចទៅនឹង Windows 98 ដែលមុន នឹងអ្នករៀបចំកុំព្យូទ័ររបស់អ្នកឱ្យក្លាយជាសមាជិកកុំព្យូទ័រក្នុងបណ្ដាញបានអ្នកត្រូវបន្ថែមសេវាមួយឈ្មោះថា File and Printer Sharing នៅក្នុង Network Neighborhood លុះក្រោយមកWindows 2000 ឬWindows XP បានដំឡើងសេវានេះ ជាលំនាំដើមនៅពេលដែលកុំព្យូទ័រដំឡើងប្រព័ន្ធប្រតិបត្ដិការរួច ។ ក្រោយពីដំឡើងកញ្ចប់សាំបាទាំងពីរនេះហើយវានឹងបង្ហាញប្រអប់ដូចខាងក្រោម ៖

នៅក្នុងផ្ទាំងនេះទាក់ទងនឹងការកំណត់សេវារបស់សាំបា ។ មានពីរប្លុក ៖
• ការចាប់ផ្ដើមសេវា ៖ មានពីរគឺកំឡុងពេលចាប់ផ្ដើមឡើង និងដោយដៃ ។ កំឡុងពេលចាប់ផ្ដើម ឡើង ៖មានន័យថារាល់ពេលដែលអ្នកបើកកុំព្យូទ័រឡើងសេវានេះក៏ចាប់ផ្ដើមឡើងដែរ ។ ដោយដៃ ៖ មានន័យថា នៅពេលដែលត្រូវការប្រើសាំបា វានឹងចាប់ផ្ដើមសេវាដោយខ្លួនឯង ។ ដើម្បីងាយស្រួល លោកអ្នកត្រូវជ្រើសយក កំឡុងពេលចាប់ផ្ដើមឡើង ។
• ការកំណត់ជញ្ជាំងភ្លើង ៖ មានន័យថាអ្នកត្រូវបិទ ឬបើកជញ្ជាំងភ្លើង ។ កាលណាជញ្ជាំងភ្លើងបិទអ្នកដែលនៅ ក្នុងបណ្ដាញជាមួយអ្នកមិនអាចតភ្ជាប់មកកុំព្យូទ័ររបស់អ្នកឡើយ ។ ដូច្នេះអ្នកត្រូវធីកវាដើម្បីឱ្យកុំព្យូទ័រដទៃអាចត ភ្ជាប់មកកុំព្យូទ័ររបស់អ្នកបាន ។

ផ្ទាំងនេះជាកន្លែងដែលអ្នកកំណត់កុំព្យូទ័ររបស់អ្នកដើរតួជាបណ្ដាញម៉ាស៊ីនស្មើគ្នា (peer to peer) ឬបណ្ដាញឈរលើម៉ាស៊ីន បម្រើ (server base) ។ ដោយអ្នកគ្រាន់តែចង់ឱ្យអ្នកប្រើអាចចែករំលែកឯកសារធម្មតាប៉ុណ្ណោះដូច្នេះអ្នកត្រូវកំណត់ឱ្យកុំព្យូទ័រស្ថិត ក្នុងបណ្ដាញ ម៉ាស៊ីនស្មើគ្នា (peer to peer) ។ ក្នុងប្រអប់ការកំណត់មូលដ្ឋាន ៖ • ឈ្មោះក្រុមការងារ ឬដែន ៖ ជាឈ្មោះដែលកុំព្យូទ័រទាំងអស់ក្នុងបណ្ដាញត្រូវកំណត់ដូចៗគ្នា ។ អ្នកអាចដាក់ឈ្មោះអ្វីក៏បាន ឱ្យតែងាយស្រួល តែមិនអាចដាក់ឈ្មោះជាអក្សរខ្មែរបានទេ ។ ឧទាហរណ៍អ្នកកំណត់បណ្ដាញឱ្យសាលារៀនមួយ អ្នកអាច ដាក់អក្សរកាត់របស់សាលា ឬដេប៉ាត់ម៉ងដែលអ្នកនៅ ។ ក្នុងឧទាហរណ៍នេះយើងប្រើ myschool ។ • ម៉ាស៊ីនបញ្ជាដែន ៖ សម្រាប់កំណត់ថាតើកុំព្យូទ័ររបស់អ្នកដើរតួជាអ្នកគ្រប់គ្រងដែន (Domain Controller) ដើម្បីធ្វើជាបណ្ដាញឈរលើម៉ាស៊ីនបម្រើដែលរាល់កុំព្យូទ័រ និងឈ្មោះអ្នកប្រើទាំងអស់ត្រូវគ្រប់គ្រងដោយម៉ាស៊ីនបម្រើ មួយ ។ ដោយអ្នកមិនចង់បានវាជាម៉ាស៊ីនគ្រប់គ្រងដែនទេនោះអ្នកត្រូវយក មិនមែនជា DC ។ បន្ទាប់ពីកំណត់ក្នុងពីរផ្ទាំងការចាប់ផ្ដើមឡើង ហើយនិងអត្ដសញ្ញាណរួចហើយ អ្នកអាចចុចប៊ូតុង បញ្ចប់ ដើម្បីបញ្ចប់ការកំណត់ សេវារបស់សាំបា ឬក៏ចាប់ផ្ដើមចែករំលែកឯកសារយកតែម្ដង ។ ប៉ុន្ដែឥឡូវសូមចុចប៊ូតុងបញ្ចប់សិន ។ ប្រសិនបើគ្មានបញ្ហាអ្វីវា នឹងបិទម៉ូឌុលសាំបានេះ ។ ឥឡូវទាក់ទងនឹងការកំណត់សេវាកុំព្យូទ័រឱ្យអាចចែករំលែកឯកសារបាន អ្នកអាចចាប់ផ្ដើមចែករំលែកឯកសាររបស់អ្នកទៅឱ្យក្រុម ការងាររបស់អ្នកបានហើយ ។
២. ការបិទ ឬបើកសេវា Samba:
ប្រសិនបើអ្នកកំណត់រចនាសម្ព័ន្ធសាំបាឱ្យសេវាវាចាប់ផ្ដើមដោយដៃ ឬក៏ពេលខ្លះការចែករំលែកឯកសារតាមខេឌីអ៊ីមិន ដំណើរការអ្នកត្រូវការចាប់ផ្ដើមសេវាសាំបាឡើងវិញ អ្នកត្រូវអនុវត្ដដូចខាងក្រោម ៖
- បើកកម្មវិធី យ៉ាស ប្រព័ន្ធ សេវាប្រព័ន្ធ (កម្រិតរត់)
- ស្វែងរកសេវា smb នៅក្នុងផ្ទាំងសេវាប្រព័ន្ធ (កម្រិតរត់)
- ចុចប៊ូតុង បើក ប្រសិនសេវាកំពុងបើកហើយអ្នកចង់ចាប់ផ្ដើមសេវាឡើងវិញចុច ប៊ូតុង បិទ ហើយចុចប៊ូតុង

( នៅមានតលេខក្រោយ )

	ជ្រើសរើសកម្រិតសំខាន់នៃសារៈប្រយោជន៍របស់អត្ថបទពីកម្រិតទាបបំផុតលេខ១ រហូតដល់កម្រិតខ្ពស់បំផុតលេខ៥
កម្រិតសំខាន់នៃអត្ថបទ៖	១ ២៣ ៤ ៥
	ការយល់ឃើញ និងមតិរិៈគន់ដើម្បីស្ថាបនាលើអត្ថបទមួយនេះ
ការយល់ឃើញ & មតិរិៈគន់ដើម្បីស្ថាបនា៖
	សូមបញ្ចេញយោបល់យល់ឃើញរបស់អ្នកស្ដីពីអត្ថបទនេះ
អាសយដ្ឋានអ៊ីម៉ែល៖	បញ្ជាក់៖ អាសយដ្ឋានអ៊ីម៉ែលរបស់អ្នកមិនត្រូវបានបង្ញាញនៅទំព័រនេះទេ តែវាបង្ហាញ ‹ឈ្មោះបង្ហាញនៅលើវ៉ិបសាយ› គឺឈ្មោះដែលលោកអ្នកបានចុះឈ្មោះជាសមាជិក។ * ចាំបាច់ត្រូវតែបំពេញអាសយដ្ឋានអ៊ីម៉ែល *
យោបល់របស់អ្នកចំពោះអត្ថបទ៖