Computer Magazine : CM.COM.KH

មជ្ឈមណ្ឌលបណ្តុះបណ្តាលវិទ្យាសាស្រ្តកុំព្យូទ័រ (CM Training Center) ជាមជ្ឈមណ្ឌលបណ្តុះបណ្តាលលើផែ្នកជំនាញ IT តែមួយគត់ប្រកបដោយគុណភាពខ្ពស់។ ជាពិសេសសិស្សដែលបានបពា្ចប់ការសិក្សានៅមជ្ឈមណ្ឌល CM នឹងបានទទួលការងារផែ្នក IT នៅក្នុងក្រុមហ៊ុន PERFEXCOM GROUP និងក្រុមហុ៑នជាច្រើនដែលជាដៃគូរ របស់ក្រុមហ៊ុន PERFEXCOM GROUP ។

ទំព័រដើម ព័ត៌មាន ផលិតផល កម្មវិធីអនុវត្តន៍ ទាញយកឯកសារ ដំណោះស្រាយ ការគ្រប់គ្រង-គន្លឹះខ្លីៗ អ៊ីនធឺណេត-ប្រព័ន្ធបណ្ដាញ ការកំសាន្ត សំនួរ-ចម្លើយ

មាតិកាព័ត៌មាន

ព័ត៏មានអន្តរជាតិផ្សេងៗ

ទំព័រដើម >> ព័ត៌មាន >> ព័ត៌មានអន្តរជាតិ >>IBM បញ្ឈប់បុគ្គលិក២៤០០នាក់ពីការងារ

IBM បញ្ឈប់បុគ្គលិក២៤០០នាក់ពីការងារ

អ្នកទទួលខុសត្រូវក្រុមផលិតកុំព្យូទ័រដ៏ធំបានឲ្យដឹងតម្រូវការពីទីផ្សារធ្លាក់ចុះបណ្ដាលឲ្យក្រុមហ៊ុនបន្ថយការផលិត។ក្រុមហ៊ុន IBM នេះក៏បានបញ្ឈប់បុគ្គលិកជាង១ម៉ឺននាក់របស់ខ្លួននៅប្រតេសកាណាដាផងដែរ។ ក្រុមហ៊ុនកុំព្យូទ័រIBM ដែលក្រុមហ៊ុនផ្ដត់ផ្គង់សេវាកុំព្យូទ័រធំបំផុតក្នុងពិភពលោកបានបញ្ឈប់បុក្គលិករបស់ខ្លួនជាង២៤០០នាក់ដែលភាគច្រើននៅសហរដ្ឋអាមេរិក។នេះបើយោងតាមក្រុមអ្នកតស៊ូមតិជូនកម្មករ។ លោក Lee Conrad នាយកតំបន់របស់ Alliance@IBM ដែលតំណាងឲ្យកម្មករបានលើកឡើងថាការកាត់បន្ថយចំនួនការងារនៅសប្ដាហ៍នេះធ្វើឡើងនៅទូទាំងប្រទេសនឹងគ្រប់ផ្នែកជាច្រើន។ក្រុមតស៊ូមតិជូនកម្មករដែលកាលពីថ្ងៃអង្គារបាននិយាយថាបុគ្គលិកជាង៥០០នាក់ត្រូវបានបញ្ឈប់បាននឹងកំពុងធ្វើបច្ចុប្បន្នភាពចំនួនបានទទួលព័ត៌មានជាច្រើនទៀត។ លោកបាននិយាយកាលពីថ្ងៃពុធថា៖"យើងទទួលបានរបាយការណ៍ពីបុគ្គលិកដែលពួកគេកំពុងតែបណ្ដុះបណ្ដាលការដាក់ជំនួសនៅក្រៅប្រទេសព្រោះពួកគេនឹងត្រូវបានបញ្ឈប់"។ លោកបានបន្តថាកាលពីឆ្នាំទៅក្រុមហ៊ុន IBM បានបញ្ឈប់បុគ្គលិក១០៤០០នាក់នៅអាមេរិកនិងកាណាដា។តាមប្រភពពីអ្នកដែលសិ្នទ្ធនឹងកិច្ចការនេះបានឲ្យដឹងថាការចំណាយសម្រាប់ការកាត់បន្ថយកម្លាំងពលកម្មនៅក្រុមហ៊ុន IBM ទំនងនឹងត្រូវបានប្ដូរក្រៅប្រទេសខណៈការលក់របស់ក្រុមហ៊ុនធ្លាក់ចុះក្នុងរយៈពេលបីខែក្នុងត្រីមាសទីបួនកន្លងទៅនេះ។ប្រភពដែលសុំមិនបញ្ចេញឈ្មោះបានឲ្យដឹងថាភាគច្រើននៃការគ្រប់គ្រងតម្លៃនៅឆ្នាំនេះគឺចេញពីអឺរ៉ុបនឹងអាស៊ី។ លោកDoug Shelton អ្នកនាំពាក្យរបស់ក្រុមហ៊ុន IBM ដែលមានមូលដ្ឋាននៅទីក្រុងញូវយ៉កបានឲ្យដឹងក្នុងបទសម្ភាសមួយកាលពីថ្ងៃអង្គារថា៖"យើងនៅតែបន្តស្ដារឡើងវិញនូវជំនាញនិងរចនាសម្ភ័ន្ធរបស់យើងដើម្បីឆ្លើយតបនឹងតម្រូវការផ្លាស់ប្ដូរអតិថិជនរបសយើង"។ កាលពីថ្ងៃពុធលោកបានបដិសេធផ្ដល់ព័ត៌មានបន្ថែមលើបញ្ហានេះ។ក្រុមហ៊ុន IBM បានកាត់បុគ្គលិកជាសកលគិតជាទំហំទឹកប្រាក់៤៧៤លានដុល្លារកាលពីឆ្នាំ២០០៩និង៧៣៧លានដុល្លារកាលពីឆ្នាំ២០០៨នេះបើតាមរបាយការណ៍ប្រចាំឆ្នាំដែលបានដាក់ទៅគណៈកម្មាធិការមូលបត្រអាមេរិក។ ការកាត់បន្ថយចំនួនបុគ្គលិកនេះគឺតិចជាង១ភាគរយនៃកម្លាំងការងាររបស់ក្រុមហ៊ុន IBM ដែលគិតត្រឹមខែធ្នូមាន៣៩៩៤០៩នាក់។នេះគឺតិចជាងពីរខែបន្ទាប់ពីក្រុមហ៊ុននិយាយថាចំណូលពេញមួយឆ្នាំយ៉ាងហោចណាស់ក៏១១ដុល្លារក្នុងមួយហ៊ុនដែរគឺកើនឡើងពីការព្យាករកាលពីលើកមុនត្រឹមតែ១០ទៅ១១ដុល្លារក្នុងមួយហ៊ុននោះ។ក្រុមហ៊ុនមានការព្រួយបារម្ភពីកម្មវិធីSoftware និងសេវាកម្មដែលជាបញ្ហាចំណូលដ៏សំខាន់របស់ខ្លួន។ Alliance@IBM ដែលមានការជាប់ពាក់ព័ន្ធនឹងអង្គការទំនាក់ទំនងកម្មករអាមេរិកកំពុងតែស្វែងរកការទទួលស្គាល់ពីសហជីពនៅ IBM។សម្ព័ន្ធភាព (Alliance@IBM) នេះបានពិនិត្យមើលចំនួនអ្នកបាត់បង់ការងារតាមរៈឯកសារផ្សេងគ្នារបស់បុគ្គលិក។លោកConrad បាននិយាយថាកម្មកររបស់IBM ប្រហែលជា៥ពាន់នាក់បានចុះហត្ថលេខាដោយបង្ហាញពីការគាំទ្រសម្ព័ន្ធភាពនេះហើយប្រហែលជា៣៥០នាក់ជាសមាជិក៕
ដកស្រងចេញពីការសែតភ្នំពេញប៉ុស្តិ៍

	ជ្រើសរើសកម្រិតសំខាន់នៃសារៈប្រយោជន៍របស់អត្ថបទពីកម្រិតទាបបំផុតលេខ១ រហូតដល់កម្រិតខ្ពស់បំផុតលេខ៥
កម្រិតសំខាន់នៃអត្ថបទ៖	១ ២៣ ៤ ៥
	ការយល់ឃើញ និងមតិរិៈគន់ដើម្បីស្ថាបនាលើអត្ថបទមួយនេះ
ការយល់ឃើញ & មតិរិៈគន់ដើម្បីស្ថាបនា៖
	សូមបញ្ចេញយោបល់យល់ឃើញរបស់អ្នកស្ដីពីអត្ថបទនេះ
អាសយដ្ឋានអ៊ីម៉ែល៖	បញ្ជាក់៖ អាសយដ្ឋានអ៊ីម៉ែលរបស់អ្នកមិនត្រូវបានបង្ញាញនៅទំព័រនេះទេ តែវាបង្ហាញ ‹ឈ្មោះបង្ហាញនៅលើវ៉ិបសាយ› គឺឈ្មោះដែលលោកអ្នកបានចុះឈ្មោះជាសមាជិក។ * ចាំបាច់ត្រូវតែបំពេញអាសយដ្ឋានអ៊ីម៉ែល *
យោបល់របស់អ្នកចំពោះអត្ថបទ៖