Computer Magazine : CM.COM.KH

មជ្ឈមណ្ឌលបណ្តុះបណ្តាលវិទ្យាសាស្រ្តកុំព្យូទ័រ (CM Training Center) ជាមជ្ឈមណ្ឌលបណ្តុះបណ្តាលលើផែ្នកជំនាញ IT តែមួយគត់ប្រកបដោយគុណភាពខ្ពស់។ ជាពិសេសសិស្សដែលបានបពា្ចប់ការសិក្សានៅមជ្ឈមណ្ឌល CM នឹងបានទទួលការងារផែ្នក IT នៅក្នុងក្រុមហ៊ុន PERFEXCOM GROUP និងក្រុមហុ៑នជាច្រើនដែលជាដៃគូរ របស់ក្រុមហ៊ុន PERFEXCOM GROUP ។

ទំព័រដើម ព័ត៌មាន ផលិតផល កម្មវិធីអនុវត្តន៍ ទាញយកឯកសារ ដំណោះស្រាយ ការគ្រប់គ្រង-គន្លឹះខ្លីៗ អ៊ីនធឺណេត-ប្រព័ន្ធបណ្ដាញ ការកំសាន្ត សំនួរ-ចម្លើយ

មាតិកាព័ត៌មាន

ព័ត៏មានក្នុងស្រុកផ្សេងៗ

ទំព័រដើម >> ព័ត៌មាន >> ព័ត៌មានក្នុងស្រុក >>សិប្បសាលាស្ដីអំពីដំណើរយុវជនដើម្បីបច្ចេកវិទ្យា

សិប្បសាលាស្ដីអំពីដំណើរយុវជនដើម្បីបច្ចេកវិទ្យា

កាលពីថ្ងៃ ១៧ ខែ មករា ឆ្នាំ ២០១០ មានការរៀបចំសិប្បសាលាមួយស្ដីអំពី "ដំណើរយុវជនដើម្បីបច្ចេកវិទ្យា” នៅសកលវិទ្យាល័យមេគង្គកម្ពុជា ដែលរៀបចំឡើងដោយក្រុមការងារ គំនិតផ្ដួចផ្ដើមយុវជនដើម្បីបច្ចេកវិទ្យាYIT (Youth Initiative for Technology) ក្រោមការឧបត្ថម្ភពីក្រុមហ៊ុន City Link និងអង្គការ IRI និងសហការគាំទ្រដោយទស្សនាវដ្ដី វិទ្យាសាស្ត្រកុំព្យូទ័រ និងគម្រោងកម្មវិធីកុំព្យូទ័រភាសាខ្មែរ ព្រមទាំងមានការចូលរួមយ៉ាងសកម្មពីសាស្ត្រាចារ្យ និងនិស្សិតសកលវិទ្យាល័យមេគង្គកម្ពុជាជាង ១០០នាក់ ។ គោលបំណងនៃសិប្បសាលានេះគឺធ្វើឡើងដើម្បីបង្ហាញ និងលើកទឹកចិត្តដល់និស្សិតតាមសកលវិទ្យាល័យនានានៅក្នុងប្រទេសកម្ពុជានូវការប្រើប្រាស់បច្ចេកវិទ្យាលើបណ្ដាញ (Online Technology)ចុងក្រោយដូចជា អ៊ីមែល (Gmail and Google Services) កម្មវិធីទំនាក់ទំនងសង្គម (Facebook & Twitter) ការបង្កើតវ៉ិបសាយផ្ទាល់ខ្លួន (Blog with Blogger service) ទោះបីជាពួកគេពុំមានជំនាញ IT ក៏ដោយ ។

ម្យ៉ាងទៀតក៏មានបំណងធ្វើការផ្សព្វផ្សាយការប្រើប្រាស់អក្សរយូនីកូដខ្មែរឲ្យបានទូលំទូលាយ ។ ក្នុងសិប្បសាលានេះត្រូវបានចែកចេញជាពីរផ្នែកគឺការធ្វើបទបង្ហាញ និងការអនុវត្តផ្ទាល់ ។ បទបង្ហាញត្រូវបានបង្ហាញដោយវាគ្មិនក្នុងក្រុមការងារដូចជា លោក ញ៉ែម ចន្ថា មកពីក្រុមហ៊ុន City Link លោក ផេង សៅឆេង លោក ឡុង បូរិន កញ្ញា សួង វួចលាង កញ្ញា ហ៊ាន សុខុមរត្ន័នារី កញ្ញា រស់ ម៉ារី មកពីក្រុមការងារ YIT និងកញ្ញា ហេង ចាន់ថេង មកពីគម្រោងកម្មវិធីកុំព្យូទ័រភាសាខ្មែរ។ ដោយមានការផ្ដល់ការប្រើប្រាស់អ៊ីនធឺណិតដោយឥតគិតថ្លៃពីក្រុមហ៊ុន City Link អ្នកចូលរួមអាចប្រើប្រាស់អ៊ីនធឺណិតដើម្បីអនុវត្តតាមបទបង្ហាញរបស់វាគ្មិននីមួយៗ។ សិប្បសាលានេះបានបញ្ចប់ដោយជោគជ័យ និងសប្បាយរីករាយពីសំណាក់អ្នកចូលរួមដោយពួកគាត់បានឃើញ និងដឹងថាមានបច្ចេកវិទ្យាថ្មីៗលើអ៊ីនធឺណិតដែលផ្ដល់ជាប្រយោជន៍សម្រាប់ពួកគេក្នុងការធ្វើការទំនាក់ទំនង ការធ្វើការរួមគ្នា និងបង្កើនការទំនាក់ទំនងជិតស្និទ្ធជាមួយមិត្តភ័ក្ដិក៏ដូចជាជាមួយពិភពលោកទាំងមូល ។

	ជ្រើសរើសកម្រិតសំខាន់នៃសារៈប្រយោជន៍របស់អត្ថបទពីកម្រិតទាបបំផុតលេខ១ រហូតដល់កម្រិតខ្ពស់បំផុតលេខ៥
កម្រិតសំខាន់នៃអត្ថបទ៖	១ ២៣ ៤ ៥
	ការយល់ឃើញ និងមតិរិៈគន់ដើម្បីស្ថាបនាលើអត្ថបទមួយនេះ
ការយល់ឃើញ & មតិរិៈគន់ដើម្បីស្ថាបនា៖
	សូមបញ្ចេញយោបល់យល់ឃើញរបស់អ្នកស្ដីពីអត្ថបទនេះ
អាសយដ្ឋានអ៊ីម៉ែល៖	បញ្ជាក់៖ អាសយដ្ឋានអ៊ីម៉ែលរបស់អ្នកមិនត្រូវបានបង្ញាញនៅទំព័រនេះទេ តែវាបង្ហាញ ‹ឈ្មោះបង្ហាញនៅលើវ៉ិបសាយ› គឺឈ្មោះដែលលោកអ្នកបានចុះឈ្មោះជាសមាជិក។ * ចាំបាច់ត្រូវតែបំពេញអាសយដ្ឋានអ៊ីម៉ែល *
យោបល់របស់អ្នកចំពោះអត្ថបទ៖